اسلام آباد(آن لائن) علی جہانگیر صدیقی امریکہ میں پاکستان کے سفیر مقرر۔ وزیر اعظم نے منظوری دے دی ۔علی جہانگیر صدیقی آئندہ ماہ امریکہ میں پاکستان کے موجودہ سفیر اعزاز چودھری کی ریٹائرمنٹ کے بعد عہدہ سنبھالیں گے جبکہ وزیر اعظم شاہد خاقان عباسی کے ساتھ کاروباری شراکت کی وجہ سے علی جہانگیر صدیقی کو وزیر اعظم کا معاون خصوصی تعینات کرنے پر شدید تنقید کا نشانہ بنایا جاتا رہا ہے ۔ تفصیلات کے مطابق وزیر اعظم
شاہد خاقان عباسی نے اپنے معاون خصوصی علی جہانگیر صدیقی کو امریکہ میں پاکستان کا سفیر تعینات کرنے کی منظوری دے دی ہے اور علی جہانگیر صدیقی اپریل میں میں اپنا عہدہ سنبھالیں گے علی جہانگیر صدیقی معروف کاروباری شخصیت جہانگیر صدیقی کے صاحبزادے ہیں اور وزیر اعظم شاہد خاقان عباسی کے ساتھ کاروباری مراسم کی وجہ سے علی جہانگیر صدیقی کی بطور معاون خصوصی تقرری پر بھی شدید تنقید کا سامنا کرنا پڑا تھا ۔
