اسلام آباد (مانیٹرنگ ڈیسک)سابق وزیر اعظم نوازشریف اور انکی صاحبزادی گذشتہ روز احتساب عدالت میں پیشی کے بعد بلیو ایریا میں موجود ایک بیکری پہنچے جہاں سے انہوں نے خریداری کی۔ نجی ٹی وی کے مطابق بیکری کے سٹاف کا کہنا تھا کہ ہم اپنے کام میں مصروف تھے جب نواز شریف اور مریم نواز بیکری میں داخل ہوئے۔ ان کو دیکھ کر ہم سب کو خوشگوار حیرت ہوئی۔ اسٹاف ممبر نے بتایا کہ انہوں نےچاکلیٹس، سینڈوچ ،

برگرز اور جوسز لیے۔ کاؤنٹر پر موجود شخص نے بتایاکہ نواز شریف اور مریم نواز کاکل بل 18 ہزار روپے بنا اور ان کے بل کی ادائیگی ان کے سٹاف نے کی۔بیکری کی جانب سے انہیں تحفہ بھی دیا گیا۔ادھر بیکری مالک کا کہنا ہے کہ انہیں نوازشریف کو دیکھ کر بہت خوشی ہوئی ،انہوں نے کہا کہ پہلے ہم جنریٹر چلا کر اپنا کاروبار کرتے تھے لیکن اب بجلی کی لوڈشیڈنگ سے چھٹکارا مل چکا ہےاور کاروبار میں بہتری آئی ہے ۔