اسلام آباد(سی پی پی) اسلام آباد کلب نے بھارتی ہائی کمشنر اجے بساریہ کوممبر شپ دینے سے انکار کردیا۔بھارتی ہائی کمشنر اجے بساریہ نے دسمبر2017 میں اسلام آباد کلب کی رکنیت کیلئے درخواست دی تھی لیکن کلب نے انہیں ممبر شب دینے سے انکار کردیا ہے۔میڈیا رپورٹ کے مطابق بھارتی ہائی کمشنر نے کلب کی ممبرشپ نہ ملنے پر دفتر خارجہ سے شکایت کی ہے تاہم دفترخارجہ کی جانب سے

اجے بساریہ کی درخواست پرتاحال کوئی جواب نہیں دیا گیا۔ذرائع کا کہنا ہے کہ اجے بساریہ نے درخواست میں کہا ہے کہ ماضی میں کسی سفارتکار کو اسلام آباد کلب کی رکنیت دینے سے انکار نہیں کیا گیا۔ذرائع نے بتایا کہ بھارت میں پاکستانی سفارتکاروں کو ایسی سہولیات فراہم نہیں کی جاتیں۔یاد رہے کہ اجے بساریہ کو دسمبر میں پاکستان میں بھارتی ہائی کمشنر تعینات کیا گیا ہے۔