اسلام آباد(مانیٹرنگ ڈیسک)وزارت قانو ن نےزینب کے قاتل ملزم عمران کو سرعام پھانسی دینے کی مخالفت کر دی۔نجی ٹی وی کے مطابق سینیٹر جاوید عباسی کا کہنا ہے کہ سر عام پھانسی دینے کے معاملے پروزارت قانون سے رائے مانگی تھی لیکن وزارت قانون نے سر عام پھانسی دینے کی مخالفت کی ہے۔ وزارت قانون کے حکام کے مطابق سر عام پھانسی سے متعلق تجویز پر مختلف اعتراضات
سامنے آ رہے ہیں۔کچھ لوگوں کے خیال میں سر عام پھانسی دینا لاش کی بے حرمتی کے برابر ہے اور شریعت میں بھی لاش کے احترام کا حکم دیا گیا۔جب کہ سر عام پھانسی دینے کے لئے رولز میں بھی ترمیم کرنی پڑے گی۔کمیٹی نے سر عام پھانسی دینے کی تجویز کا معاملہ 6مارچ تک ملتوی کر دیا ہے۔واضح رہے کہ اس سے پہلے اسلامی نظریاتی کونسل نے سرعام پھانسی دینے کی مخالفت کی تھی۔
