لاہور(مانیٹرنگ ڈیسک) سابق وزیر داخلہ و مسلم لیگ(ن) کے مرکزی رہنما چوہدری نثار علی خان مرکزی مجلس عامل کے اجلاس میں شریک نہ ہوئے ۔ذرائع کے مطابق چوہدری نثار علی خان پارٹی کی کچھ پالیسیوں پر تحفظات رکھتے ہیں اور پارٹی میں دی جانے والی اپنی تجاویزکو پذیرائی نہ ملنے پر اجلاسوں میں شریک نہیں ہو رہے۔میڈیا سے گفتگو کرتے
ہوئے مرکزی رہنما مشاہد اللہ خان نے کہا کہ چوہدری نثار مرکزی مجلس عاملہ کے ممبر ہیں انہیں ضرور دعوت دی گئی ہو گی اگر وہ نہیں آئے تو یہ ان سے پوچھا جائے ۔انہوں نے کہا کہ چوہدری نثار مسلم لیگ (ن) میں موجود ہیں اور نواز شریف ان کے لیڈر ہیں۔ پارٹی میں اختلافی بات کرنا ہر کسی کا حق ہے اور یہ جمہوریت کیلئے صحتمند رویہ ہے ۔
