اسلام آباد(آن لائن) اسلام آباد ہائی کورٹ نے نیب کی کیپٹن (ر) صفدر کی ضمانت منسوخی کی درخواست مسترد کر دی ہے۔پیر کو اسلام آباد ہائی کورٹ کے جسٹس عامر فاروق اور جسٹس محسن اختر کیانی پر مشتمل دو رکنی بینچ نے نیب کی درخواست پر محفوظ فیصلہ سنایا،اسلام آباد ہائی کورٹ نے احتساب عدالت کے فیصلے کو برقرار رکھتے
ہوئے نیب کی درخواست مسترد کر دی، واضح رہے کہ عدالت نے 14 دسمبر کو دلائل سننے کے بعد فیصلہ محفوظ کیا تھا،احتساب عدالت نے ایون فیلڈ پراپرٹیز ریفرنس پر کپٹن ر صفدر کو ضمانت دی تھی جس پر نیب نے احتساب عدالت کا فیصلہ اسلام آباد ہائی کورٹ میں چیلنج کیا تھا، نیب نے کپٹن ر صفدر کو گرفتار ر کے جیل بھیجنے کی استدعا کی تھی۔
