اسلام آباد (مانیٹرنگ ڈیسک) معروف صحافی و تجزیہ کار چوہدری غلام حسین نے ایک نجی ٹی وی چینل کے پروگرام میں کہا ہے کہ بیگم کلثوم نواز کو واپس لانے کا فیصلہ کر لیا گیا ہے۔ چوہدری غلام حسین نے کہا کہ نیب ریفرنسز کا فیصلہ آنے والا ہے اور ضمنی ریفرنسز سے تو ایسا لگ رہا ہے کہ فیصلہ ان کے خلاف ہی آئے گا اس لیے اب سابق وزیراعظم میاں محمد نواز شریف کو سین سے غائب ہونا ہے اور اسی وجہ سے بیگم کلثوم نواز کو پاکستان
امپورٹ کیا جائے گا اور انہیں مسلم لیگ (ن) کی صدارت کا عہدہ دینے کا منصوبہ بنایا گیا ہے اگرچہ وہ بیمار لیکن کہا یہ جائے گا کہ کلثوم نواز بیمار ہونے کے باوجود ملک کی خدمت کرنے کے لیے آ گئی ہیں، سینئر صحافی نے کہا کہ یہ لوگ روز ہی پینترا بدل لیتے ہیں۔ انہوں نے مزید انکشاف کرتے ہوئے کہا کہ نیب نے جو انکوائری کی ہے اس کے مطابق سلطانی گواہوں نے ثبوت دے دیے ہیں اور نیب بہت جلد ایسے افسران کو گرفتار کرلے گی۔
