اسلام آباد(مانیٹرنگ ڈیسک)زینب قتل کیس کے مرکزی ملزم عمران علی پر فرد جرم عائد، نجی ٹی وی  کے مطابق زینب قتل کیس کی سماعت کوٹ لکھپت جیل میں جاری ہے ، اے ٹی سی کے جج سجاد احمد  کیس کی سماعت کر رہے ہیں ۔دوران سماعت پراسیکیوٹر جنرل نے عدالت کے روبرو دلائل دیئے ، اے ٹی سی کے جج سجاد احمد نے دلائل سننے کے بعد ملزم پر فرد جرم عائد

کردی،اس کے بعد ملزم کےخلاف باقاعدہ جیل ٹرائل کا آغاز ہو گیا۔واضح رہے کہ سکیورٹی خدشات کے باعث ملزم کیخلاف کوٹ لکھپت جیل میں مقدمے کی سماعت ہوئی ،فرد جرم عائد ہونے کے بعد ملزم کیخلاف جیل ٹرائل کا آغاز ہو گیا اب ملزم عمران کیخلاف شہادتیں ریکارڈ کی جائیں گی۔واضح رہے کہ لاہور ہائیکورٹ نے کیس کا فیصلہ 7 دنوں میں سنانے کا حکم جاری کر رکھا ہے۔