راولپنڈی(اے این این)احتساب عدالت کے بعد نیب راولپنڈی نے بھی سابق وزیراعظم نواز شریف کو طلب کرلیا ۔ تفصیلات کے مطابق احتساب عدالت کے بعد نیب راولپنڈی نے بھی سابق وزیراعظم نواز شریف کو طلب کرلیا ہے۔ نواز شریف کو فلیگ شپ ضمنی ریفرنس کے سلسلے میں طلب کیا گیا ہے۔
نواز شریف کوآج ہفتہ کو ہر صورت نیب کے دفتر میں حاضری یقینی بنانے کی ہدایت کی گئی ہے۔ واضح رہے کہ پاناما کیس جے آئی ٹی میں شامل عرفان منگی کچھ روز قبل ہی نیب راولپنڈی کے سربراہ تعینات کیے گئے تھے۔ اب عرفان منگی نے عہدے کا چارج سنبھالتے ہی نواز شریف کو طلب کر لیا ہے۔
