اسلام آباد (مانیٹرنگ ڈیسک) سوات کے علاقے کبل میں آرمی یونٹ میں کھیل کے میدان پر خود کش حملہ، آئی ایس پی آر کے مطابق سوات کے علاقے کبل میں آرمی یونٹ میں کھیل کے میدان پر خود کش حملہ کیا گیا ہے، اور اس خود کش حملے کے نتیجے میں 3 سیکیورٹی اہلکار شہید 7 زخمی ہوگئے ہیں۔ پاک فوج کے شعبہ تعلقات عامہ کے بیان کے
مطابق سوات کی تحصیل کبل میں آرمی یونٹ کے کھیل کے میدان میں خود کش حملہ آور نے اپنے آپ کو دھماکے سے اڑا لیا، اس خود کش حملے میں تین سکیورٹی اہلکار شہید ہو گئے جبکہ سات زخمی ہوئے، حملے کے فوری بعد زخمی اہلکاروں کو ہسپتال منتقل کر دیا گیا اور فورسز نے علاقے کو گھیرے میں لے کر تلاشی کا عمل شروع کر دیا ہے۔
