تہران (مانیٹرنگ ڈیسک) پاکستان آرمی چیف جنرل قمر جاوید باجوہ کے ایران کے دورے کے بعد مثبت پیش رفت سامنے آئی ہے، بھارت کے اعتراضات کے باوجود ایران نے مقبوضہ کشمیر میں بھارتی مظالم پر مبنی فلم کی نمائش کی اجازت دے دی ہے، اس فلم کی نمائش ایران کے شہر مشہد میں کی گئی، اس فلم کو ایرانیوں کی ایک بڑی تعداد نے دیکھا اور زیادہ تر

ایرانی شہری بھارتی فوج اور حکومت کی جانب سے کشمیریوں پر ڈھائے جانے والے مظالم دیکھ کر آزردہ ہو گئے، واضح رہے کہ بھارت کی طرف سے مقبوضہ کشمیر میں بھارتی کی مظالم کی یہ فلم نہ دکھانے کی درخواست کی گئی تھی لیکن ایران نے بھارت کے تمام اعتراضات کو مسترد کرتے ہوئے فلم نمائش کے لیے پیش کر دی، اس فلم کا دورانیہ 80 منٹ ہے۔