اسلام آباد (مانیٹرنگ ڈیسک)سپریم کورٹ نے ن لیگ کے رہنما اوروفاقی وزیر نجکاری دانیال عزیز کو توہین عدالت کا نوٹس جاری کر دیا ۔ تفصیلات کے مطابق سپریم کورٹ نے ن لیگ کے رہنما اور وفاقی وزیر نجکاری دانیال عزیز کو توہین عدالت کا نوٹس جاری کر دیا ہے۔ توہین عدالت کا نوٹس مختلف تقاریب میں عدلیہ مخالف تقاریر اوربیانات پر جاری کیا گیا۔ دانیال عزیز کو ملنے والے

نوٹس میں انہیں 7فروری کو سپریم کورٹ میں پیش ہونے کا حکم دیا گیا ہے ۔ واضح رہے کہ اس سے قبل ن لیگ کے رہنما اور وزیر مملکت برائے داخلہ طلال چوہدری کو بھی توہین عدالت کا نوٹس جاری کیا ہے جن کو 6فروری کو عدالت نے طلب کر رکھا ہے جبکہ اس سے پہلے سپریم کورٹ نے ن لیگ کے سابق سینیٹر نہال ہاشمی کو توہین عدالت کیس میں ایک ماہ قید اور 50ہزار جرمانے کی سزا سنائی ہے ۔