روم (مانیٹرنگ ڈیسک) قرضے میں دبی ہوئی ملکی معیشت کے لیے ایک یورپی ملک سے خوشخبری آئی ہے، اس اہم ترین یورپی ملک نے پاکستان کے سابقہ تمام قرضے معاف کر دیے ہیں، تفصیلات کے مطابق پاکستان ٹوڈے کاکہنا ہے کہ اٹلی نے پاکستان کے 6 ارب 40کروڑ روپے
کا قرض معاف کر دیا ہے اور اٹلی کا پاکستان کے ذمہ جو قرض باقی رہتا ہے وہ بھی رواں سال کے اختتام تک معاف کر دے گا۔ جو قرض باقی بچا ہے اس کی معافی کے لیے پاکستان اور اٹلی کے درمیان ایک معاہدہ متوقع ہے جو کہ 2018ء کے آخر تک ہو جائے گا۔ پاکستان ٹوڈے کی رپورٹ کے مطابق پاکستان اور اٹلی جوائنٹ اکنامک کمیشن کا آئندہ اجلاس 29 اور 30 جنوری کو روم میں ہو گا۔ اس اجلاس میں پاکستانی وفد کی قیادت وزیر مملکت برائے خزانہ و معاشی امور رانا محمد افضل خان کریں گے اور اٹلی کے وفد کی قیادت اٹلی کے معاشی ترقی کے نائب وزیر آئیوان سکیلفروٹو کریں گے۔ دونوں ممالک کے مابین ان مذاکرات میں معاشی تعاون کے مختلف پہلوؤں سمیت مذکورہ معاہدے پر بھی بات چیت کی جائے گی۔ اٹلی نے قرضوں کی معافی کے ساتھ ساتھ گلگت بلتستان معاشی اصلاحاتی اقدامات کے لیے 3 ارب 9 کروڑ روپے اور حکومتی پروگرام ٹیوٹا کے لیے 2 ارب 74 لاکھ روپے کے قرضے آسان شرائط پر دینے کی منظوری بھی دی ہے۔ اٹلی کا پاکستان کے ذمہ جو قرض باقی رہتا ہے وہ بھی رواں سال کے اختتام تک معاف کر دے گا۔
