اسلام آباد(مانیٹرنگ ڈیسک )زینب کے قاتل کی گرفتاری کے بعد آہستہ آہستہ اس سے متعلق معلومات سامنے آرہی ہیں۔ معلوم ہوا ہے کہ زینب کا قاتل عمران زینب کو قتل کرنے کے بعد علاقے میں آزادانہ آوارہ گھومتاپھرتا تھا۔ اہل محلہ کے مطابق اس کا رویہ زیادہ اچھا نہیں تھا، وہ صرف نعت کی محفلوں میں نقابت کر کے پیسے کماتا تھا۔ ملزم کے چھ بہن بھائی ہے جن میں وہ سب سے بڑا ہے اور اس کے والد فوت ہو گئے ہیں۔ اہل محلہ کا کہنا تھا کہ زینب قتل کے بعد
ملزم عمران کے چہرے پر کبھی پریشانی نہیں دیکھی اور نہ ہی کوئی ایسا تاثر ملتا تھا کہ جس سے اس پر شک جا سکے۔ ان کا کہنا تھا کہ زینب کے قتل کے بعد بھی عمران گلیوں میں گھومتا پھرتا اور چونکہ سارے قصور میں زینب کے حوالے سے گفتگو ہوتی رہتی ہے تو وہ بھی اہل محلہ سے گفتگو کرتے ہوئے کہتا کہ قاتل کو سخت سزا ملنی چاہیے۔اہل محلہ کا کہنا تھا کہ عمران نے زینب قتل کے بعد شیو کرا کر اپنا حلیہ تبدیل کر لیاتھا لیکن کسی کو اس پر شک نہیں ہوا۔
