اسلام آباد (مانیٹرنگ ڈیسک) ایک مظلوم والدہ جس کی بیٹی کو بااثر شخصیت نے اغوا کر رکھا ہے وہ بھی زینب کے گھر قصور آگئی، تفصیلات کے مطابق لاہور کے علاقے ڈیڈیاں روڈ کی سائرہ ایک بااثر شخص نے اغوا کر لی ہے جس کی والدہ اپنی فریاد لے کر زینب کے گھر قصور پہنچ گئی اس کا کہنا ہے کہ میرے علاقے کی ایک بااثر شخصیت نے میری بیٹی کو اغوا کیا ہوا ہے جسے بازیاب کروانے کے لیے حکومت اس کی بھی مدد کرے۔ ایک نجی ٹی وی چینل سے بات کرتے ہوئے سائرہ کی والد نے کہا کہ ڈیڈیاں والا
کے رہائشی رانا امین کا انہیں فون آیا کہ اگر آپ اپنی بچی سائرہ کو حاصل کرناچاہتے ہیں تو آپ لوگ مجھے ڈیڑھ لاکھ روپے دے دیں جس پر میں آپ کی بیٹی آپ کو دے دوں گا۔ اس موقع پر سائرہ کی والدہ نے کہا کہ ہم لوگ غریب ہیں ہمارے پاس ڈیڑھ لاکھ روپیہ نہیں ہے کہ ہم اسے دے کر اپنی بیٹی سائرہ کو بازیاب کروا سکیں، انہوں نے حکومت سے استدعا کرتے ہوئے کہا کہ سائرہ کو بازیاب کروانے کے لیے ہماری مدد کرے۔ یہ خاندان بھی زینب کے خاندان کی طرح غموں سے چُور تھا، غم نے انہیں نڈھال کر رکھا تھا۔
