لاہور (ا ین این آئی) تنظیم اتحاد امت پاکستان کے چیئرمین محمد ضیاء الحق نقشبندی کی اپیل پر تنظیم کے 50سے زائد جید مفتیان کرام نے قصور میں معصوم بچی کے ساتھ زیادتی اور قتل پر اجتماعی فتویٰ جاری کیا ہے جس میں کہا گیا ہے ایسے بدترین گناہ کی اسلام میں کوئی معافی نہیں ہے اس طرح کے گناہ کبیرہ میں مبتلادرھندہ صفت افراد کے ناپاک جسم سے سوسائٹی کو جلد از جلد پاک کرناچاہیے تاکہ معاشرے کو ایسی خطرناک قسم کی وباء سے فوراً
بچایا جا سکے ۔ مفتیان امت کا کہنا ہے اس کیس میں غفلت اورلاپرواہی برتنے والے کسی رعایت کے مستحق نہیں ہیں ۔ متاثرہ بچی کے والدین کو دلاسہ دینا حکومت وقت کی ذمہ داری ہے ۔ابوداؤد الحدیث کی حدیث نمبر 4462کے مطابق حضور پرنور صلی اللہ علیہ وآلہ وسلم نے ارشاد فرمایا کہ ۔جس شخص کو قوم لوط(غیری فطری فعل ) کا عمل کرتے دیکھو تو فاعل ومفعول دونوں کو قتل کردومفعول کا قتل اس صورت میں جائز ہے جب وہ راضی ہو۔اگر اس پر زبردستی کی گئی تو اس پرکوئی سزا لاگو نہیں ہوتی اور بطور تعزیر شریعت مطہرہ میں ایسے عادی مجرموں کی سزا قتل ہے ۔حکومت وقت اس کیس میں ذاتی دلچسپی لے اور شفاف تحقیقات کروا کے اصل مجرموں کو بذریعہ عدالت پھانسی کی سزاد لوائے ۔اوران مجرموں کے معاونین یعنی پشت پنائی کرنے والوں کو بھی کڑی سزادی جائے تاکہ آئندہ کوئی ایسی حرکت نہ کرے اور بچوں کی بہتر تعلیم وتربیت کا حکومت بندوبست کرے ۔حکومت نے اگر اس مسئلہ میں سستی کا مظاہرہ کیا تو اس گھناؤنے فعل کی نحوست ملک بھر میں پھیلے گی جو کہ ملک وقوم کے لئے انتہائی خطرناک ہوگی جس معاشرہ میں ایسے گھناؤنے فعل ہوں وہ معاشرہ ترقی نہیں کر سکتا بلکہ خدا کی طرف سے اس پر ذلت مسلط کر دی جاتی ہے ۔یادرہے اگست 2015میں بھی
280بچوں کے ساتھ زیادتی کا درد ناک ویڈیو کیس سامنے آیا تھا۔جن مفتیان امت نے فتویٰ جاری کیا ہے ان میں مفتی مسعود الرحمن ،مفتی محمد حسیب قادری ، مفتی مشتاق احمد نوری،مفتی پیر سید کرامت علی حسین شاہ ، مفتی ابو بکر اعوان ایڈووکیٹ،علامہ ذوالفقار مصطفی ہاشمی ، ڈاکٹرمفتی محمد عمران نظامی ، علامہ شفاعت رسول قادری، مفتی واجد علی شاہ گیلانی ،مفتی محمد سہیل ،مفتی محمد شاہد مدنی ،ڈاکٹر مفتی سلیمان قادری ،
صاحبزادہ مفتی فضل الرحمن اوکاڑوی ، مفتی محمد نعیم ، مفتی محمد افضل ،مفتی محمد عارف سعیدی ، علامہ باغ علی رضوی ، علامہ پروفیسر عبدالعزیز نیازی ، مولانا محمد اعظم نعیمی ، مفتی وارث علی ، علامہ محمد قاسم علوی ،علامہ محمد احمد ، علامہ کوکب نعیمی ، مولانالیاقت علی قادری ،علامہ محمد اصغر علی نورانی ، علامہ غلام مرتضیٰ تبسم ، علامہ محمد ریاض قصوری ، مولانا محمد لیاقت قادری، علامہ محمد منیر شکوری ،مولانا عبدالرحمن جامی ، علامہ محمد مشتاق ،مفتی محمد بشیر قادری ،علامہ محمد صفدر خان ،علامہ احسان اللہ ، علامہ محمد ارشد قادری ،علامہ محمد امین قادری ،علامہ محمد سلیم چشتی ،علامہ محمد بخش چشتی ،علامہ محمد ادریس نیازی ، مولانا محمد شجاعت قادری ،علامہ بدر منیر سیفی اورعلامہ سید حماد شاہ شامل ہیں۔
