لاہور ( این این آئی) سابق وزیر اعظم محمد نواز شریف اور انکی صاحبزادی مریم نواز کی عدلیہ مخالف تقریر کے خلاف لاہور ہائیکورٹ میں متفرق درخواست دائر کر دی گئی ۔ ایکٹوزم پینل کے سربراہ اظہر صدیق کی طرف سے دائر درخواست میں کہا گیا ہے کہ نواز شریف نے کوٹ مومن میں پھر عدلیہ مخالف تقاریر کیں ،
سپریم کورٹ سے نااہلی کے بعد نواز شریف اور مریم نواز مسلسل عدلیہ مخالف تقاریر کر رہے ہیں ۔ نواز شریف اور مریم نواز ہر خطاب میں عدلیہ مخالف تقاریر کر رہے ہیں ۔ لہٰذا معزز عدالت سے استدعا ہے کہ نواز شریف اور مریم نواز کے خلاف توہین عدالت کی کارروائی کا حکم دیا جائے ۔
