لاہور(مانیٹرنگ ڈیسک) سابق وزیر اعظم و مسلم لیگ (ن) کے صدر محمد نواز شریف سے وزیر اعلی پنجاب محمد شہبازشریف نے جاتی امراء رائے ونڈ میں ملاقات کی ۔وزیر اعلیٰ شہباز شریف اراکین اسمبلی ملک سیف الملوک کھوکھراور ملک افضل کھوکھر کے بھتیجے کے قتل پر اظہا رتعزیت کے بعد جاتی امراء پہنچے۔
ملاقات میں ملک کی مجموعی سیاسی صورتحال اور پارٹی امور پر تبادلہ خیال کیا گیا ۔ وزیر اعلیٰ شہباز شریف نے سابق وزیر اعظم کو صوبے میں جاری مختلف ترقیاتی منصوبوں کے حوالے سے بھی آگاہ کیا ۔ ذرائع کا کہنا ہے کہ ملاقات میں دورہ سعودی عرب سمیت مختلف امورپر غور کیاگیا اور اہم فیصلے کئے گئے۔
