کراچی (آن لائن)کراچی میں بحریہ ٹاؤن کے خلاف گزشتہ کئی ہفتوں سے مخصوص طبقہ کی جانبسے کراچی سپر ہائی وے کے خلاف ایک بے بنیاد مہم جاری ہے جس کا مقصد بحریہ کی جانب سے شہر میں تین سالوں سے جاری ترقیاتی منصوبوں کو نقصان پہنچانا ہے،ایک جاری بیا ن میں کہا گیا ہے کہ ،ہتک آمیز،بے بنیاد اور جھوٹی مہم شروع کی گئی ہے جس کا مقصد بحریہ کے مثبت تاثر کو نقصان پہنچانا ہے۔اس میں کہا گیا کہ گزشتہ تین سال میں

بحریہ نے 2 ہزار خاندانوں کو رہائش دی ہے جبکہ مزید ہزاروں کی تعداد میں لوگوں کو فلیٹ اور گھر دینے کا سلسلہ جاری ہے،دیگر منصوبوں میں9 لاکھ افراد کے لیے دنیا کی تیسری بڑی مسجد، 70 ہزار شائقین کی گنجائش والا سٹیڈیم اور 8 لائنوں پر مشتمل کھلی سڑک ہمارے قابل منصوبوں میں شامل ہیں۔بیان میں کہا گیا ہے کہ FWO نے اربوں روپے کی لاگت سے بین الاقوامی معیار کے مطابق فلائی اوور تعمیر کر رہا ہے جس کا مقصد عوام کو سپر ہائی اور شہر تک بلا رکاوٹ آسان سفر مہیا کرنا ہے،سی پیک کے نتیجے یبرونی سرمایہ کار آگے آرہے ہیں اور مختلف سرمایہ کاری کر رہے ہیں،کراچی میں دبئی طرز کا ایک نیا شہر بن رہا ہے جو ملک کے لئے ایک اعزاز کی بات ہے۔ بیان میں کہا گیا کہ انشاء اللہ بہت جلدعوام پراصل حقیقت ظاہر ہوجائے گی ہمارے خلاف سوشل میڈیا اور زرد صحافت کی مہم بحریہ کو رہائشیوں کو بہترین سہولیات دینے اور دنیا میں پاکستان کا مثبت تاثر ظاہر پیش کرنے میں رکاوٹ نہیں بن سکے گی۔