اسلام آباد (مانیٹرنگ ڈیسک) کابینہ کمیٹی برائے قومی سلامتی کا اہم اجلاس آئندہ 48گھنٹوں میں متوقع، امریکی صدر کی جانب سے پاکستان کے خلاف بیان پر حکمت عملی پر غور کیا جائے گا ، دہشت گردی کے خلاف جنگ میں اخراجات کی تفصیل پیش کی جائے گی ۔ تفصیلات کے مطابق وفاقی کابینہ کی قومی سلامتی کمیٹی کا اجلاس آئندہ چند روز میں متوقع ہے ۔ اجلاس میں امریکی صدر ڈونلڈ ٹرمپ کی جانب سے پاکستان مخالف بیان پر غور کے بعد پیدا ہونے والی صورتحال پر غور کیا جائے گا۔
اجلاس میں دہشت گردی کے خلاف جنگ میں اخراجات کی تفصیل پیش کی جائے گی اور قومی سلامتی کے معاملات پر غور کیا جائے گا ۔ قومی سلامتی کمیٹی کا اہم اجلاس وفاقی کابینہ کے اجلاس کے بعد متوقع ہے جس میں دہشت گردی کے خلاف جنگ کی صورتحال پر بھی غور کیا جائے گا ۔ وزیراعظم شاہد خاقان عباسی نے وفاقی کابینہ کا اہم اجلاس (آج ) منگل کو طلب کرلیا جس میں امریکی صدر کے بیان پر غور کیا جائے گا اور جوابی ردعمل تیار کیا جائے گا۔ وزیراعظم شاہد خاقان عباسی نے ( آج ) منگل کو وفاقی کابینہ کا اجلاس طلب کرلیا جس میں امریکی صدر ڈونلڈ ٹرمپ کے پاکستان کے حوالے سے بیان پر غور کیا جائے گا جب کہ اجلاس میں ملک کی موجودہ صورت حال سمیت دیگر امور بھی زیرغورآئیں گے۔ذرائع کے مطابق اجلاس میں امریکی صدر ڈونلڈ ٹرمپ کی جانب سے پاکستان کے خلاف بیان اور الزامات کے بعد پیدا ہونے والی صورتحال پر تبادلہ خیال کیا جائے گا ۔ امریکی صدر کی پاکستان مخالف بیان کے بعد پاکستان کا جوابی ردعمل تیار کیا جائے گا ۔ اجلاس میں وزیر خواجہ محمد آصف اور سیکرٹری خارجہ تہمینہ جنجوعہ بریفنگ بھی دیں گے ۔ ذرائع کے مطابق اجلاس میں اہم قومی اور ملکی سلامتی کے معاملات بھی زیر غور آئینگے ۔واضح رہے کہ ڈونلڈ ٹرمپ کا کہنا تھا کہ پاکستان امریکی رہنماؤں کو بے وقوف سمجھتا ہے اور امریکا نے بھی پاکستان کی مدد کرکے بے وقوفی کی۔دوسری جانب امریکی صدر کے بیان پر وزیرخارجہ خواجہ آصف نے ٹوئٹ کرتے ہوئے کہا کہ ڈونلڈ ٹرمپ کے بیان پر جلد رد عمل دیا جائے گا اور دنیا کو حقیقت سے آگاہ کیا جائے گا۔
