راولپنڈی(آن لائن) آرمی چیف جنرل قمر جاوید باجوہ نے کہا ہے کہ ملک کو اندرونی و بیرونی چیلنجز کا سامنا ہے، پاکستان کی روح کو کوئی شکست نہیں دے سکتا، چیلنجز کو مواقعوں میں تبدیل کیا جاسکتا ہے۔ پاک فوج کے شعبہ تعلقات عامہ آئی ایس پی آر کے مطابق سال 2018ء کی آمد پر آرمی چیف جنرل قمر جاوید باجوہ نے

اپنے پیغام میں کہا ہے کہ 2018ء غیر معمولی چیلنجز کے ساتھ انتہائی اہمیت کا حامل ہے۔ 2018ء میں اندرونی اور بیرونی سطح پر ملک کو چیلنجز درپیش ہوں گے، ان چیلنجز کو مواقع میں تبدیل کیاجاسکتا ہے پاکستان کے جذبے کی طاقت کو کوئی شکست نہیں دے سکتا، کچھ کام ہم کرچکے ہیں۔ باقی کا کام ہم کرسکتے ہیں۔