اسلام آباد (مانیٹرنگ ڈیسک) پنجاب حکومت نے اسرائیلی کمپنی کو ٹھیکہ دے دیا، تفصیلات کے مطابق ایک نجی ٹی وی چینل نے اپنی رپورٹ میں بتایا کہ محکمہ صحت پنجاب کے مختلف منصوبوں پر اسرائیل بیسڈ کمپنی کو ٹھیکے دیے گئے ہیں، جراثیم کش آلات کے حوالے سے محکمہ صحت کی طرف سے کچھ فرموں کو طلب کیا گیا تھا کہ ان میں نیدر لینڈ کی طرف سے آنے والی ایم ایس ٹٹناؤر نامی کمپنی باقاعدہ کوالیفیکیشن حاصل کر لی تھی اس طرح پنجاب حکومت کے محکمہ صحت سے جراثیم
کش آلات کی صفائی کے کام کا ٹھیکہ حاصل کر لیا۔ اس کے بعد جب محکمہ صحت کی طرف سے ٹیم کوالٹی رپورٹ تیار کرنے کے لیے مذکورہ کمپنی کے پاس گئی تو ٹیم کو پتہ چلا کہ یہ اسرائیل بیسڈ کمپنی ہے، اس پر محکمہ صحت نے اسرائیل بیسڈ کمپنی کو دیا جانے والا ٹھیکہ منسوخ کرکے نو ٹی فیکیشن جاری کر دیا، اس کے علاوہ محکمہ صحت کے جن حکام نے سکروٹنی کرنی تھی اور سکروٹنی کے بعد ٹھیکہ دینا تھا ان کے خلاف بھی محکمانہ کارروائی شروع کردی گئی ہے۔
