لاہور (سی پی پی )مسلم لیگ (ن) کے مرکزی رہنما عابد شیر علی نے عمران خان کو مستقبل کا وزیراعظم قرار دیدیا ہے۔ تفصیلات کے مطابق مسلم لیگ ن کے رکن قومی اسمبلی اور وفاقی وزیر عابد شیر علی کی جانب سے سماجی رابطوں کی ویب سائٹ پر عمران خان سے متعلق بیان دیا گیا ہے۔ عابد شیر علی نے عمران خان کو مستقبل کا وزیراعظم قرار دے دیا ہے۔ عابد شیر علی نے
عمران خان پر طنز کرتے ہوئے کہا ہے کہ وہ جلدی سے شیروانی زیب تن کرکے ایک تصویر لیں اور فوری فیس بک پر اپ لوڈ کر دیں۔ اس میں کوئی شک نہیں کہ عمران خان مستقبل میں بھی فیس بک کے وزیراعظم بنیں گے۔ عابد شیر علی کے اس پیغام کے بعد تحریک انصاف اور ن لیگ کے سوشل میڈیا کارکنوں کے درمیان طنزیہ اور تنقیدی جملوں کے تبادلے کا آغاز ہوگیا ہے۔
