اسلام آباد (مانیٹرنگ ڈیسک)سینئر صحافی اور تجزیہ نگار چوہدری غلام حسین نے نجی ٹی وی کے پروگرام میں انکشاف کیا ہے کہ اطلاعات یہ ہیں کہ امریکہ میں ان کے ایک قریبی سعید شیخ نے امریکی سینیٹرز کو متحرک کردیا ہے۔سعید شیخ جن کے بھانجے نے جعلی اکاﺅنٹس کھولے، وہ واشنگٹن ،امریکہ میں بیٹھا ہو اہے۔ امریکہ سے سعودی ولی عہد محمد بن سلمان کو فون کروایا گیا ہے جس میں کہا گیا کہ پنجاب کے وزیر اعلیٰ شہباز شریف
کو مسلم لیگ ن کے صدر اور نااہل وزیر اعظم نواز شریف نے وزارت عظمیٰ کا امیدوار نامزد کیا ہے لہٰذا آپ اب ان کی جان خلاصی کروائیں اوران کی مدد کریں۔واضح رہے کہ وزیر اعلی پنجاب شہباز شریف اس وقت سعودی عرب ہیں جہاں انہوں نے مدینہ منورہ میں مسجد نبوی میں نماز فجر اور نوافل ادا کئے ۔ وزیر اعلی پنجاب نے نماز کی ادائیگی کے بعد ملک و قوم کی ترقی و خوشحالی پاکستان کے استحکام اور امن و سلامتی کے لئے دعا بھی کی ۔
