نئی دہلی (مانیٹرنگ ڈیسک) بھارتی میڈیاکے مطابق فوجی حکام نے الزام لگایا ہے کہ پاک فوج نے لائن آف کنٹرول پر مقبوضہ کشمیر کے ضلع راجوی کے کیری سیکٹرمیں دن 12بجکر 15منٹ پر فائرنگ کی جس کے نتیجے میں بھارتی فوج کے میجر سمیت 3اہلکار ہلاک ہوگئے ،بھارت نے الزام عائد کیاہے کہ لائن آف کنٹرول کے کیری سیکٹر میں پاک فوج کی فائرنگ کے نتیجے میں بھارتی فوج کے میجر سمیت 3اہلکار ہلاک ہوگئے ۔ہفتہ کو بھارتی میڈیاکے مطابق فوجی حکام نے الزام لگایا ہے کہ پاک فوج نے لائن آف کنٹرول پر

مقبوضہ کشمیر کے ضلع راجوی کے کیری سیکٹرمیں دن 12بجکر 15منٹ پر فائرنگ کی جس کے نتیجے میں بھارتی فوج کے میجر سمیت 3اہلکار ہلاک ہوگئے جبکہ بھارتی فوج نے بھی جوابی کاروائی کی ۔فائرنگ کے نتیجے میں ایک اہلکار زخمی بھی ہوا ہے ۔ٹائمز آف انڈیا کے مطابق کیری سیکٹر میں 120انفنٹری بریگیڈکے تحت تعینات 2سکھ بٹالین پیٹرولنگ میں مصروف تھی جب وہ پاکستانی فوج کی فائرنگ کی زد میں آگئی۔ ہلاک ہونے والوں کی شناخت میجر پرافلا،سپاہی پرگھااور سپاہی گرمیت سنگھ کے نام سے ہوئی ہے ۔