ملتان (مانیٹرنگ ڈیسک)سابق وزیر اعظم میرے ساتھ رہیں یا پھر 50کروڑ روپے ادا کریں، یوسف رضا گیلانی کی دوسری بیوی سامنے آگئی،خاتون نے ملتان کی فیملی کورٹ سے بھی رجوع کرلیا۔ میڈیا  رپورٹس کے مطابق سابق وزیر اعظم یوسف رضا گیلانی کی دوسری بیوی منظر عام پر آگئی جس نے ملتان کی فیملی کورٹ سے رجوع کرلیا ہے جس پر فیملی کورٹ نے 20 سال بعد شادی کا

دعویٰ کرنے والی پیپلز پارٹی کی جیالی کی درخواست سماعت کے لیے منظور کرتے ہوئے یوسف رضا گیلانی کو نوٹس جاری کردیا ۔درخواست میں خاتون نے موقف اختیار کیا کہ یا تو گیلانی صاحب میرے ساتھ رہیں یا پھر 50 کروڑ روپیہ ادا کریں۔سابق وزیر اعظم یوسف رضا گیلانی کی وکیل کا کہنا تھا کہ خاتون ذہنی مریضہ ہے اور اس کا یوسف رضا گیلانی سے شادی کا دعویٰ بھی جھوٹا اور بے بنیاد ہے۔