لاہور (مانیٹرنگ ڈیسک) عالمی مارکیٹ میں تیل کی قیمت بڑھنے سے ملک میں پیٹرول کی قیمت میں 7روپے فی لیٹر اضافے کا خدشہ ظاہر کیا جارہا ہے۔گزشتہ بیس روز سے عالمی مارکیٹ میں تیل کی قیمت مسلسل بڑھ رہی ہے جبکہ انٹربینک مارکیٹ میں ڈالر کی قدر میں اضافے سے روپے کی قدر بھی نیچے آئی ہے۔انڈسٹری ذرائع کا کہنا ہے کہ عالمی مارکیٹ اور انٹر بینک مارکیٹ کی صورتحال کے پیش نظر ملک میں آئندہ ماہ کے لیے پیٹرول کی قیمت

میں7 روپے فی لیٹر اضافے کا خدشہ ہے۔جبکہ ڈیزل کی قیمت میں 5 روپے فی لیٹر اور مٹی کے تیل کی قیمت میں 6 روپے فی لیٹر اضافہ ہوسکتا ہے۔انڈسٹری ذرائع نے بتایا کہ اس صورتحال کے پیش نظر حکومت کے لیے تیل کی قیمت بڑھانا ناگزیر ہوگیا ہے تاہم اس حوالے سے ابھی حتمی فیصلہ حکومت نے ہی کرنا ہے۔واضح رہے کہ حکومت نے گزشتہ ماہ بھی پیٹرول کی قیمت میں 2 روپے 49 پیسے اور ڈیزل کی قیمت میں 5 روپے 19 پیسے اضافہ کیا تھا۔