آسلام آباد ( آن لائن) پاکستان کی تاریخ میں پہلی بار آرمی چیف جنرل قمر جاوید باجوہ نے ایسا کام کرنے کا اعلان کردیا جو پہلے کسی آرمی چیف نے نہیں کیا،پارلیمانی تاریخ میں پہلی بار پاک فوج کے سربراہ جنرل قمر جاوید باجوہ کل( منگل کو) پورے ایوان پر مشتمل سینیٹ کی ہول کمیٹی کو ملک کی مجموعی سلامتی کی صورتحال اور قومی ایکشن پلان پر عمل درآمد کے حوالے سے بریفنگ دینگے۔ پارلیمانی ذرائع نے بتایا کہ علاقائی سلامتی کی صورتحال
اور آر می چیف کے غیر ملکی دوروں پر سینیٹ کی ہول کمیٹی نے جنرل قمر جاوید باجوہ سے بریفنگ کی درخواست کی تھی اس حوالے سے چیئرمین سینیٹ رضا ربانی کی طرف سے سیکرٹری سینیٹ امجد پرویز نے خط جی ایچ کیو کو لکھا تھا جس میں سینیٹ کی ہول کمیٹی کو بریفنگ کی دعوت دی گئی تھی یہ دعوت آرمی چیف نے قبول کرلی اور باہنی مشاورت کے ساتھ ہول۔کمیٹی کو آرمی چیف کی بریفنگ کا شیڈول طے کیا گیا اور اب آرمی چیف جنرل۔قمر جاوید ڈی جی ملٹری آپریشنز میجر جنرل ساحر شمشاد مرزا کے ساتھ منگل کی صبح دس بجے پارلیمنٹ ہاؤس میں سینٹ کی ہول کمیٹی میں شرکت کرینگے اجلاس بند کمرے میں ہوگا اور اراکین سینیٹ کے علاوہ۔ایوان میں کسی کو آنے کی اجازت نہیں دی۔جاے گی اجلاس کا ایک نکاتی ایجنڈا ہوگا جس کے تحت آرمی چیف اور ڈی جی ملٹری آپریشنز علاقائی سلامتی کی صورتحال اور اپنے حالیہ غیر ملکی دوروں کے حوالے سے تفصیلی بریفنگ دینگے سینیٹ کی ہول کمیٹی تمام اراکین پر مشتمل ہے اجلاس کی صدارت چیئرمین سینیٹ رضا ربانی کریں گے جبکہ عسکری قیادت اراکین سینیٹ کے سوالات کا جواب بھی دے گی زرا یع نے بتایا کہ جنرل۔قمر جاوید باجوہ خود بھی چاہتے تھے کہ وہ سیکورٹی کی صورتحال اراکین پارلیمنٹ کے سامنے رکھیں اور ان کے سوالات کے جواب بھی دیں ۔
