کراچی (آن لائن) پاکستان پیپلزپارٹی نے 2018 کے انتخابات کے حوالے سے سیاسی مہم گرمانے کے لئے پنجاب کے بعد سندھ میں جلسے کرنے کا اعلان کر دیا ہے ۔ تفصیلات کے مطابق صوبہ سندھ میں برسراقتدار جماعت پاکستان
پیپلزپارٹی نے پنجاب میں کامیاب جلسوں کے انعقاد کے بعد سندھ بھر میں جلسے کرنے کا فیصلہ کیا ہے اس سلسلے میں پیپلزپارٹی نے جلسوں کا شیڈول جاری کردیا ہے جس کے مطابق پہلا جلسہ 27 دسمبر کو گڑھی خدابخش لاڑکانہ میں ہو گا جس کے بعد دوسرا جلسہ 5 جنوری کو میرپور خاص میں ہو گا جنوری کے آخری ہفتے میں سکھر میں پیپلزپارٹی کا جلسہ ہو گا شیڈول کے مطابق خیرپور اور کراچی کے علاقے ملیر میں بھی پی پی کا جلسہ ہو گا جلسوں نے سابق صدر پاکستان آصف علی زرداری اور چیئرمین پاکستان پیپلزپارٹی بلاول بھٹو خطاب کریں گے ۔
