نیو یارک(آئی این پی ) امریکہ میں پاکستا ن کے سفیر اعزاز چودھری نے کہا ہے کہ پاک امریکہ تعلقات میں بہتری کیلئے برف پگھل رہی ہے، افغانستان میں دہشت گردوں کے محفوظ ٹھکانے ہیں، امریکہ پر واضع کر دیا ہے کہ خطے میں بھارت کا پولیس مین کردار قبول نہیں۔ نیو یارک میں پاکستانی میڈیا کو بریفنگ دیتے ہوئے اعزاز چودھری نے کہا کہ پاک امریکہ تعلقات میں بہتری کیلئے دونوں جانب
سے برف پگھلی ہے۔ امریکہ کے مختلف سیاستدانوں اور تھنک ٹینک سے رابطے میں ہوں۔ پاکستانیوں کو چاہئے کہ امریکہ سیاسی نظام کا حصہ بنیں۔ انہوں نے کہا کہ کوئی بھی پاکستان میں دہشت گردوں کے ٹھکانے ثابت نہیں کر سکتا جبکہ افغانستان میں دہشت گردوں کے محفوظ ٹھکانے ہیں۔ اعزاز چودھری نے مزید کہا کہ امریکہ پر واضع کر دیا ہے کہ خطے میں بھارت کا پولیس مین کردار قبول نہیں۔
