اسلام آباد(مانیٹرنگ)بھارتی بزدل فوج کی ایک اور بزدلانہ کارروائی، ایل او سی پر آزادکشمیر کے علاوے چڑی کوٹ سیکٹر میں چھمر گائوں پر جنازے پر فائرنگ، دو شہری شہید، پاک فوج کی جوابی کارروائی ، بھارتی چیک پوسٹ کو صفحہ ہستی سے ہی مٹا ڈالا، ایک بھارتی فوجی ہلاک، متعدد زخمی۔پاک فوج کے شعبہ تعلقات عامہ (آئی ایس پی آر)کے مطابق بزدل بھارتی فوج نے ایک بار پھر ایل او سی پر سیز فائر معاہدے کی خلاف ورزی کرتے ہوئے انسانی اقدار کو بھی روند ڈالا ہے۔ بھارتی فوج
نے آزادکشمیر کے علاقے چڑی کوٹ سیکٹر میں چھمر گائوں میں ایک جنازے پر فائرنگ کی جس کے نتیجے میں دو شہری شہید اور ایک خاتون زخمی ہو گئی ہے۔ بھارتی فوج کی شہری آبادی پر اس بزدلانہ کارروائی کے جواب میں پاک فوج نے دشمن کو منہ توڑ جواب دیتے ہوئے بھارتی فوج کی چیک پوسٹ کو تباہ کرتے ہوئے صفحہ ہستی سے ہی مٹا دیا ہے ۔ آئی ایس پی آر کے مطابق پاک فوج کی جوابی کارروائی میں ایک بھارتی فوجی ہلاک جبکہ متعدد کے شدید زخمی ہونے کی اطلاعات ہیں۔
