اسلام آباد(مانیٹرنگ ڈیسک)نوازشریف کی نیب ریفرنسز کو یکجا کرنے کی درخواستیں مسترد ،احتساب عدالت کو ٹرائل جاری رکھنے کا حکم ۔ نجی ٹی وی کے مطابق اسلام آبادہائیکورٹ کے جسٹس عامر فاروق اور جسٹس محسن اختر کیانی پر مشتمل ڈویژن بنچ نے نیب ریفرنسز پر محفوظ فیصلہ سنادیا۔سابق وزیراعظم نوازشریف نے اسلام آبادہائیکورٹ میں موقف
اختیار کر رکھا تھا کہ نیب ریفرنسز میں ایک جیسے الزامات اور زیادہ تر گواہ مشترکہ ہیں عدالت سے استدعا ہے کہ نیب ریفرنسز کو یکجا کیا جائے،جس کی نیب پراسیکیوٹر نے مخالفت کی تھی جس پر عدالت نے فیصلہ محفوظ کر لیا تھا۔واضح رہے کہ سابق وزیراعظم نوازشریف نے ایون فیلڈ،عزیزیہ اورفلیگ شپ ریفرنسزیکجاکرنے کی استدعاکی تھی۔
