اسلام آباد(مانیٹرنگ ڈیسک)صوبائی وزیر قانون رانا ثنا اللہ کے استعفیٰ دینے سے متعلق ڈیڈلائن ختم ہوچکی ہے ۔پیرحمید الدین سیالوی نے  آج شام 5بجے اہم پریس کانفرنس کرنے کا اعلان کردیا۔میڈیا رپورٹس  کے مطابق پیر حمید الدین سیالوی نے رانا ثنا اللہ سے متعلق آج شام پانج بجے پریس کانفرنس کرنے کا اعلان کردیا ہے ۔دونوں جانب سے موقف پر ڈٹے جانے کے بعد صورتحال گھمبیر ہوتی جارہی ہے ،یاد رہے کہ مسلم لیگ ن

ختم نبوت کے معاملے پر ٹوٹ پھوٹ کا شکار ہے ۔مسلم لیگ کے متعدد اراکین اسمبلی نے رانا ثنا اللہ کے استعفے کا مطالبہ کر دیا ہے اور رانا ثنا اللہ کے مستعفی نہ ہونے کی صورت میں اپنے اپنے استعفے پیر حمید الدین سیالوی کے پاس جمع کروا رکھے  ہیں اور انکو اپنے استعفوں کا اختیار دے دیا ہے ۔دوسری طرف رانا ثنا اللہ کا کہنا ہے کہ وہ علماء و مشائخ کا احترام کرتے ہیں مگر انکے استعفے کا فیصلہ نواز شریف کریں گے ۔