اسلام آباد (مانیٹرنگ ڈیسک) ایبٹ آباد میں پاکستان مسلم لیگ (ن) کے رہنما کی گاڑی سے بارودی مواد اور اسلحہ برآمد ہوا ہے، تفصیلات کے مطابق وہاں کے ڈی پی او اشفاق نور کا کہناہے کہ مسلم لیگ (ن) کے ناظم یونین کونسل نواز کی گاڑی سے اسلحہ و بارودی مواد برآمد کیا گیا ہے، انہوں نے بتایا کہ گاڑی سے ڈیڑھ کلو سے زیادہ
بارودی مواد اور ڈیٹونیٹرز سمیت پستول، کارتوس اور کلاشنکوف بھی برآمد ہوئی ہے، ان تمام چیزوں کو پولیس نے اپنے قبضے میں لے لیا ہے، ڈی پی او اشفاق نور کا کہنا تھا کہ یہ گاڑی مسلم لیگ (ن) کے یو سی لنگڑیال کے ناظم انور کی ہے اس گاڑی میں بارودی سامان اور اسلحہ لے کر جانے والے دو ملزمان کو گرفتار کر لیا گیا ہے۔
