اسلام آباد(مانیٹرنگ ڈیسک)نوشکی میں غیر قانونی شکار کے الزام میں چار عرب شہزادوں سمیت 7افراد گرفتار۔ تفصیلات کے مطابق نجی ٹی وی اے آر وائی نیوزکی رپورٹ کے مطابق نوشکی میں غیر قانونی شکار کے الزام میں چار عرب شہزادوں سمیت 7افراد کو گرفتار کر لیاگیا ہے ۔ تاحال ان شہزادوں کی قومیت اور نام سامنے نہیں آسکے ۔ واضح رہے کہ 3روز

قبل قطر کے شاہی خاندان کے فرد شہزادہ حماد بن جاسم 13رکنی وفد کے ہمراہ پاکستان پہنچے تھے جہاں انہوں نے لاہور شریف برادران سے ملاقات کے بعد کراچی کا دورہ کیا ہے۔ اسی دوران اسلام آباد ہائیکورٹ میں ایک شہری نے عرب شہزادوں کے پاکستان میں پرندوں کے شکار کے خلاف ایک درخواست بھی دائر کر رکھی ہے جس پر ایک دو سماعتیں بھی ہو چکی ہیں۔