اسلام آباد (مانیٹرنگ ڈیسک)حکومت اور تحریک لبیک کے قائدین کے مابین معاہدہ طے پاجانے کے بعد فیض آباد دھرنا ختم کرنے کا اعلان کردیا تھا تاہم اب اس صورتحال میں ایک نیا موڑ آگیا ہے اور تحریک لبیک کے رہنما علامہ اشرف جلالی نے لاہور کے مختلف علاقوں میں دھرنا ختم نہ کرنے کا اعلان کر دیا ہے۔
علامہ اشرف جلالی کا کہنا ہے کہ شہدا کے خون کا حساب ملنے تک کوئی دھرنا ختم نہ کرے۔ پریس کانفرنس میں آئندہ لائحہ عمل کا اعلان کیا جائے گا۔ اشرف جلالی کی جانب سے کئے جانے والے اعلان کے بعد لاہور کے مختلف علاقوں میں تحریک لبیک یا رسول اللہ کے کارکنوں کی جانب سے دھرنا تاحال جاری ہے۔
