اسلام آباد (مانیٹرنگ ڈیسک)وزیراعظم شاہد خاقان عباسی کی شریف برادران سے جاتی امرا میں ملاقات، نواز شریف نے فیض آباد دھرنے کے خلاف آپریشن میں جانی نقصان سے بچنے کیلئے ہر ممکن احتیاط برتنے کی ہدایت کر دی۔ تفصیلات کے مطابق وزیراعظم شاہد خاقان عباسی آج شریف برادران سے ملاقات کیلئے رائیونڈ میں ان کی رہائش گاہ جاتی امرا پہنچے جہاں نواز شریف اور شہباز شریف نے ان سے ملاقات کی۔
ملاقات کے دوران وزیراعظم نے ن لیگ کی قیادت کو فیض آباد دھرنا آپریشن پر بریفنگ دی۔ بریفنگ کے دوران شاہد خاقان عباسی نے بتایا کہ آپریشن میں صرف آنسو گیس کا استعمال ہو رہا ہے جبکہ کسی بھی اہلکار کے پاس آتشی اسلحہ موجود نہیں۔ نواز شریف نے اس موقع پر وزیراعظم شاہد خاقان عباسی کو دھرنا مظاہرین کے خلاف آپریشن میں جانی نقصان سے بچنے کیلئے ہر ممکن احتیاط برتنے کی ہدایت دی ہیں۔
