اسلام آباد (مانیٹرنگ ڈیسک) پاکستان کے وزیر خزانہ اسحاق ڈار ویسٹ لندن کے ہسپتال میں زیر علاج ہیں، تفصیلات کے مطابق وفاقی وزیر خزانہ اسحاق ڈار کو دل کا عارضہ لاحق ہے اور وہ ویسٹ لندن کے ایک ہسپتال میں اپنا علاج کرا رہے ہیں ان کی انجیو پلاسٹی کیے جانے کا امکان ہے، گزشتہ ہفتے اسحاق ڈار اپنے تفصیلی طبی معائنہ کرانے
کے لیے تین بار ویسٹ لندن کے اس ہسپتال آئے، ان کی بدھ کو انجیوگرافی کی گئی۔ ان بیٹے علی ڈار اور اہل خانہ بھی اسحاق ڈار کے ساتھ لندن میں موجود ہیں۔ اسحاق ڈار کو ڈاکٹرز نے لندن میں قیام بڑھانے اور علاج کی ہدایات دی ہیں۔ اسحاق ڈار اس وقت ہسپتال میں موجو د ہیں جہاں ممکنہ طور پر ان کی انجیوپلاسٹی کئے جانے کے چانسز ہیں۔
