اسلام آباد (مانیٹرنگ ڈیسک) وزیر اعظم شاہد خاقان عباسی نے قبل ازوقت عام انتخابات کے انعقاد کی قیاس آرائیوں اور مطالبات کو سختی سے مسترد کرتے ہوئے کہا ہے کہ انہیں سو فیصد یقین ہے کہ آئندہ عام انتخابات اور سینیٹ الیکشن وقت پر ہوں گے۔ پیر کو سرکاری ٹی وی کو دیئے گئے انٹرویو میں وزیراعظم نے کہا کہ وہ

قبل از وقت انتخاب کی بات کرنے والوں کا مقصد سمجھنے سے قاصر ہیں۔، عمران خان کیلئے صبر کا مشورہ ہے، وہ اپنے وقت پر ہی الیکشن میں جانے کی بات کریں، ملک کی بہتری اسی میں ہے کہ ہر حکومت اپنی مدت پوری کرے ۔انہوں نے کہا کہ 4جون 2018سے پہلے ہماری حکومت کے ختم ہونے کا سوال ہی نہیں بنتا۔