اسلام آباد (مانیٹرنگ ڈیسک) سابق وزیر اعظم نوازشریف کی صاحبزادی مریم نواز کے میڈیا سیل کے  کارکن انور عادل تنولی گرفتار ۔نجی ٹی وی کے مطابق ایف آئی اے سائبر کرائم ونگ کی جانب سے کراروائی کرتے ہوئے اسلام آباد سے مریم نواز کے میڈیا سیل کے کارکن انور عادل تنولی کو گرفتار کر لیا گیا ہے۔ انور عادل تنولی پراعلی عدلیہ او فوج کیخلاف منفی

مہم چلانے کا الزام ہے۔ ایف آئی اے نے اس حوالے سے انور عادل تنولی کو گرفتار کرکے تفتیش کا آغاز کر دیا ہے۔ واضح رہے کہ انور عادل تنولی مریم نواز کے قریبی ساتھی کے طور پر پہچانے جاتے ہیں۔ اس سے پہلے مریم نواز کے ہی میڈیا سیل کے 5 کارکنوں کو گرفتار کیا چکا ہے اس تازہ کارروائی کے بعد مریم نواز کی پریشانیوں میں مزید اضافہ ہو گیا ہے ۔

موضوعات:مریم نواز