کرم ایجنسی(نیوزڈیسک) پاکستان کے اہم علاقے پرامریکہ نے میزائلوں کی بارش کر دی، تفصیلات کے مطابق کرم ایجنسی کے علاقے غوز گڑھی میں امریکی ڈرون طیارے نے میزائلوں کے یکے بعد دیگرے حملے کیے۔ایک نجی ٹی وی چینل کے مطابق امریکی ڈرون نے کرم ایجنسی کے علاقے غوز گڑھی میں ابوبکر نامی شخص کے گھر کو میزائلوں سے نشانہ بنایا، اس حملے سے
گھر زمین بوس ہوگیا اور اس حملے کے نتیجے میں اب تک ملبے سے 20 افراد کی لاشیں نکالی جا چکی ہیں جبکہ مزید ہلاکتوں کاخدشہ ہے۔ نجی ٹی وی کے مطابق امریکی ڈرون طیارے نے چھ میزائل داغے، اس واقعہ کے بعد پولیٹیکل انتظامیہ نے اپنی کارروائی شروع کردی ہے۔ آخری اطلاعات تک اس حملے میں 20 افراد ہلاک ہو چکے ہیں اور مزید ہلاکتوں کا خدشہ بتایا جاتا ہے۔
