منگل‬‮ ، 29 اپریل‬‮ 2025 

آصف زرداری سے فیصل صالح حیات کی ملاقات،اہم فیصلہ کرلیاگیا

datetime 15  اکتوبر‬‮  2017
ہمارا واٹس ایپ چینل جوائن کریں

لاہور(مانیٹرنگ ڈیسک) پاکستان پیپلزپارٹی پارلیمنٹرینز کے سربراہ و سابق صدر آصف علی زرداری سے وزیر اعلیٰ سندھ سید مراد علی شاہ ،سابق وفاقی وزیر فیصل صالح حیات ، سابق ڈپٹی اسپیکر حاجی نواز کھوکھر ،سینیٹر سلیم مانڈی والانے بلاول ہاؤس لاہو رمیں ملاقاتیں کیں۔بتایا گیا ہے کہ آصف علی زرداری کی ہدایت پر وزیر اعلیٰ سیدمراد علی شاہ صوبائی وزیر قانون ضیاء لنجار کے ہمراہ خصوصی طیارے کے ذریعے کراچی سے لاہور پہنچے جنہیں سخت سکیورٹی میں بلاول ہاؤس لاہور لایا گیا ۔

وزیر اعلیٰ سندھ سید مراد علی شاہ نے وزیرقانون ضیاء لنجار کے ہمراہ آصف علی زرداری سے ملاقات کی جس میں صوبے کے اہم معاملات سمیت پارٹی امور پر تبادلہ خیال کیا گیا ۔ وزیر اعلیٰ سندھ نے آصف علی زرداری کو 18اکتوبر کو حیدر آباد میں منعقد ہ جلسے سمیت دیگر امور،صوبے اور خاص طور پر کراچی میں جاری ترقیاتی منصوبوں پر تفصیلی بریفنگ دی گئی ۔سینیٹر سلیم مانڈی نے بھی سابق صدر آصف علی زرداری سے ملاقات کر کے مختلف امور پر تبادلہ خیال کیا ۔ بلاول ہاؤس لاہور میں سابق صدر آصف علی زرداری سے سابق وفاقی وزیر فیصل صالح حیات اور سابق ڈپٹی سپیکر قومی اسمبلی حاجی نواز کھوکھر نے بھی اہم ملاقات کی جس میں آئندہ عام انتخابات کی تیاریوں او رآئندہ کی حکمت عملی کے حوالے سے بات چیت کی گئی ۔ رہنماؤں نے ملاقات کے دوران قیادت کو تجاویز بھی دیں ۔ بتایاگیا ہے کہ ملاقات میں آئندہ عام انتخابات سے قبل پنجاب میں بااثر سیاسی خاندانوں کی پیپلز پارٹی میں شمولیت کے حوالے سے بھی گفتگو کی گئی ۔رہنماؤں سے ملاقات کے دوران گفتگو کرتے ہوئے سابق صدر آصف علی زرداری نے کہا کہ مسلم لیگ (ن) کی حکومت ہمیشہ ملک کو مشکل میں چھوڑ کرجاتی ہے۔ مسلم لیگ (ن) کی پالیسی ہے کہ آنے والی حکومت کو بدترین معاشی صورتحال دے کر جائے۔انہوں نے کہا کہ انتخابی ماحول بن چکا ہے ،پارٹی بھی اپنی تیاری کرے کیونکہ باہر نکلنے کا وقت آگیا ، چاروں صوبو ں میں جارہے ہیں ۔

آصف علی زرداری نے کہا کہ موجودہ حکومت کی نااہلیوں کی طویل فہرست ہے اور عوام بھی اس سے بخوبی آگاہ ہیں۔

موضوعات:

آج کی سب سے زیادہ پڑھی جانے والی خبریں


کالم



27فروری 2019ء


یہ 14 فروری 2019ء کی بات ہے‘ مقبوضہ کشمیر کے ضلع…

قوم کو وژن چاہیے

بادشاہ کے پاس صرف تین اثاثے بچے تھے‘ چار حصوں…

پانی‘ پانی اور پانی

انگریز نے 1849ء میں پنجاب فتح کیا‘پنجاب اس وقت…

Rich Dad — Poor Dad

وہ پانچ بہن بھائی تھے‘ تین بھائی اور دو بہنیں‘…

ڈیتھ بیڈ

ٹام کی زندگی شان دار تھی‘ اللہ تعالیٰ نے اس کی…

اگر آپ بچیں گے تو

جیک برگ مین امریکی ریاست مشی گن سے تعلق رکھتے…

81فیصد

یہ دو تین سال پہلے کی بات ہے‘ میرے موبائل فون…

معافی اور توبہ

’’ اچھا تم بتائو اللہ تعالیٰ نے انسان کو سب سے…

یوٹیوبرز کے ہاتھوں یرغمالی پارٹی

عمران خان اور ریاست کے درمیان دوریاں ختم کرنے…

بل فائیٹنگ

مجھے ایک بار سپین میں بل فائٹنگ دیکھنے کا اتفاق…

زلزلے کیوں آتے ہیں

جولیان مینٹل امریکا کا فائیو سٹار وکیل تھا‘…