اسلام آباد(مانیٹرنگ ڈیسک)پاکستان تحریک انصاف نے پارٹی میں نظم و ضبط کی خلاف ورزی اور کارکنوں کو گمراہ کرنے پر پی ٹی آئی کے صوبائی رہنما سید ظہور آغا کو بنیادی رکنیت سے معطل کر کے اظہار وجوہ کا نوٹس جاری کردیا ہے ۔تفصیلات کے مطاق پاکستان تحریک انصاف کے مرکزی سیکرٹری جنرل جہانگیر ترین نے
پارٹی ڈسپلن کی خلاف ورزی ،پارٹی کے اندرونی معاملات کو موضوع بحث بنانے اور بلوچستان سے تعلق رکھنے والے کارکنوں کو گمراہ کر کے پاکستان تحریک انصاف کے چیئرمین عمران خان کے دفتر اور رہائش گاہ کے باہر دھرنا دینے پر پاکستان تحریک انصاف بلوچستان کے رہنما سید ظہور آغا کی بنیادی رکنیت معطل کر کے انہیں اظہار وجوہ کا نوٹس جاری کردیا اور انہیں اپنا جواب جمع کروانے کی ہدایت کی دی گئی ہے۔
