لاہور(آئی این پی ) سابق وزیراعظم نواز شریف کا طیارہ لندن روانگی کے لئے پرواز بھرنے کے بعد دوبارہ رن وے پر واپس آگیا۔علامہ اقبال انٹرنیشنل ایئرپورٹ سے پی آئی کی فلائٹ پی کے 757 طیارے نے لندن کے لئے پرواز بھری لیکن کچھ ہی دیر بعد طیارہ دوبارہ رن و ے پر آگیا۔ نواز شریف کے ہمراہ ان کے سیکریٹری محمد حنیف خان اور
مسلم لیگ برطانیہ کے صدر زبیر گل بھی تھے ۔ایئرپورٹ ذرائع کے مطابق سابق وزیراعظم نواز شریف جس طیارے میں سوار تھے اس میں ایک مسافر کی طبیعت خراب ہوگئی جس کے بعد طیارے کو دوبارہ ایئرپورٹ پر اتارا گیا۔سابق وزیراعظم نواز شریف لندن میں اپنی اہلیہ کلثوم نواز کی بیمار پرسی کریں گے اور چند روز وہیں قیام کریں گے۔
