لاہور (مانیٹرنگ ڈیسک) تحریک آزادی پاکستان کی معروف کارکن فاطمہ صغریٰ لاہور میں انتقال کر گئیں ،انکی عمر 86سال تھی ۔فاطمہ صغریٰ کی نماز جنازہ آج بعد نماز ظہر جوہر ٹاؤن ای بلاک میں ادا کی جائیگی جس کے بعد انہیں میانی صاحب قبرستان میں سپرد خاک کرد یا جائیگا۔حکومت پاکستان کی جانب سے انہیں لائف ٹائم اچیومنٹ ایوارڈ

اور پرائڈ آف پرفارمنس ایوارڈ سے بھی نوازا گیا تھا ۔انہوں نے پسماندگان میں دو بیٹے اور دو بیٹیاں چھوڑی ہیں ۔واضح رہے یہ وہی فاطمہ صغریٰ ہیں جنہوں نے پاکستان کی آزادی سے پہلے ہمت و جرات کا مظاہرہ کر کے سول سیکرٹریٹ لاہور(پنجاب سول سیکرٹریٹ لاہور) کی عمارت سے برطانیہ کا جھنڈا نیچے اتار دیا تھا۔ان کے انتقال کی خبر پورے ملک میں جنگل کی آگ کی طرح پھیل گئی ،سیاسی و سماجی شخصیات نے ان کے انتقال کو ناقابل تلافی نقصان قرار دیا ہے اور لواحقین سے تعزیت کا اظہار کیا ہے۔