اسلام آباد (مانیٹرنگ ڈیسک) میاں محمد نواز شریف رات لندن سے پاکستان پہنچ رہے ہیں، تفصیلات کے مطابق لندن ہائی کمیشن اور پاکستان انٹرنیشنل ائیر لائن کے ذرائع کا کہناہے کہ سابق وزیراعظم میاں محمد نواز شریف رات لندن سے پاکستان کے لیے روانہ ہوں گے۔ میاں محمد نواز شریف پی آئی اے کی پرواز پی کے 786 کے ذریعے کل صبح وطن پہنچ جائیں گے۔ ذرائع کا دعویٰ ہے کہ سابق وزیراعظم میاں محمد نواز شریف
کی فلائٹ کل صبح 8 بجے اسلام آباد ائیرپورٹ پر لینڈ کرے گی۔ میاں محمد نواز شریف اپنے ایک ملازم کے ہمراہ پاکستان واپس آ رہے ہیں۔ صبح ناشتے پر وزیراعظم شاہد خاقان عباسی اور وزیراعلیٰ پنجاب میاں محمد شہباز شریف سے ملاقات میں پاکستان واپسی کا یہ فیصلہ کیا گیا۔ ذرائع کا یہ بھی کہناہے کہ سابق وزیراعظم میاں محمد نواز شریف پاکستان آ کر اپنے خلاف احتساب عدالت میں مقدمات کا سامنا کریں گے۔
