راولپنڈی (آن لائن) بھارتی مسلح افواج نے ایک بار پھر سرحدی حدود کی خلاف ورزی کرتے ہوئے چرواہ سیکٹر میں شہری آبادی پر فائرنگ کر کے 2خواتین سمیت4شہریوں کو شہید کر دیا10 زخمی ۔ آئی ایس پی آر کے مطابق جمعرات کے روز بھارتی مسلح افواج نے چرواہ سیکٹر کے علاقے سہلریاں میں شہری آبادی پر بلا اشتعال فائرنگ کی جس کے نتیجے میں 4شہری شہید ہو گئے شہید ہونے والوں میں 2خواتین بھی شامل ہیں ۔ پنجاب رینجرز نے فائرنگ کرنیو الی بھارتی چوکیوں پر جوابی فائرنگ کی جس کے بعد بھارتی توپوں کے منہ بند ہو گئے۔دریں اثناء
وزیراعظم شاہدخاقان عباسی نے بھارتی فوج کی ورکنگ باؤنڈری پر بلااشتعال فائرنگ کی شدیدمذمت اور4شہریوں کی شہادت پرگہرے دکھ اورافسوس کااظہارکیا۔وزیراعظم نے جمعرات کواپنے بیان میں بھارتی مسلح افواج کی جانب سے ورکنگ باؤنڈری چارواسیکٹرپربلااشتعال فائرنگ کی شدیدمذمت کی ۔انہوں نے چارشہریوں کی شہادت پرگہرے دکھ اورافسوس کااظہارکیااورمتاثرہ خاندانوں سے تعزیت اوردلی ہمدردی کااظہارکیااورکہاکہ بھارتی فوج کے بزدلانہ اقدام سے4شہری شہیدہوئے ،بھارتی افواج کی فائرنگ اورشہری آبادی کونشانہ بناناقابل مذمت ہے۔
