اسلام آباد (مانیٹرنگ ڈیسک) سابق آرمی چیف و صدر جنرل (ر) پرویز مشرف کے آصف زرداری پر الزامات کے بعد پیپلز پارٹی کا ردعمل بھی سامنے آ گیاہے، تفصیلات کے مطابق پیپلزپارٹی کا کہنا ہے کہ بے نظیر بھٹو کو سابق صدر جنرل (ر) پرویز مشرف نے قتل کرایا، پیپلز پارٹی نے سابق صدر پرویز مشرف کے الزامات کا سخت جواب دے دیا، پیپلزپارٹی کے سینئر رہنما خورشید شاہ نے سوال اٹھاتے ہوئے کہا کہ اگر
سابق صدر کو سب معلوم تھا تو انہوں نے عدالت کو کیوں نہیں بتایا؟ اپوزیشن لیڈر خورشید شاہ نے پرویز مشرف کو وطن واپس لا کر ٹرائل کرنے کا مطالبہ کر دیا۔ سعید غنی نے کہا کہ پیپلز پارٹی کی طرف سے بینظیر قتل کیس کی اپیل دائر ہونے پر پرویز مشرف سخت پریشان ہیں۔ پیپلز پارٹی کے رہنماؤں نے کہا کہ سابق صدر و آرمی چیف پرویز مشرف خود عدالتوں سے بھاگے ہوئے ہیں، ان کے تمام الزامات جھوٹ کا پلندہ ہیں۔
