اسلام آباد (مانیٹرنگ ڈیسک) جہلم تحریک انصاف دو دھڑوں میں تقسیم، تفصیلات کے مطابق جہلم میں تحریک انصاف کی مقامی قیادت دو دھڑوں میں تقسیم ہوگئی ہے، تحریک انصاف کے چیئرمین عمران خان ایک ہی شہر میں دو جلسوں میں کارکنوں سے خطاب کریں گے۔ جہلم کی مقامی قیادت کے اندرونی اختلافات واضح طور پر سامنے آگئے ہیں، تحریک انصاف کے چیئرمین عمران خان دو مقامات پر خطاب کریں گے، واضح رہے کہ تحریک انصاف کے چیئرمین عمران خان کے خطاب کے لئے ایک پنڈال ہاکی گراؤنڈ دینہ میں لگے گا جبکہ دوسرا پنڈال
چند کلومیٹر کے فاصلے پر لدھڑ میں سجایا جائے گا۔ پاکستان تحریک انصاف کے چیئرمین عمران خان ہیلی کاپٹر کے ذریعے پہلے لدھڑ جائیں گے جہاں پر ان کا استقبال فواد چوہدری کریں گے، لدھڑ کے اس جلسہ میں سابق ضلع ناظم چوہدری فرخ الطاف تحریک انصاف میں شمولیت کا اعلان کریں گے۔ لدھڑ میں کھانا کھانے کے بعد عمران خان کارکنوں سے خطاب کریں گے، اس کے بعد عمران خان ہاکی گراؤنڈ دینہ میں تحریک انصاف کے کارکنوں سے خطاب کریں گے، وہاں تحریک انصاف کے رہنما چودھری ثقلین کی جانب سے پنڈال سجایا جائے گا۔
