اسلام آباد (مانیٹرنگ ڈیسک) لاہور میں پٹرول کی کمی واقع ہوگئی ہے، تفصیلات کے مطابق وزارت پٹرولیم کی طرف سے یقین دہانیوں کے باوجود لاہور کے کئی علاقوں میں پٹرول نہیں مل رہا۔ واضح رہے کہ دوسرے شہروں سے لاہور آنے والی پٹرول کی سپلائی شدید متاثر ہوئی ہے، لاہور کے لیے پٹرول لانے والے کینٹینرز جو دوسرے شہروں سے آتے ہیں نہیں پہنچ سکے جس کی وجہ سے لاہور میں پٹرول میں کمی واقع ہو گئی ہے اور لاہور کے کئی پٹرول پمپس
پر پٹرول دستیاب نہیں ہے کے بورڈز آویزاں کیے گئے ہیں اور شہریوں کو پٹرول کی فراہمی بند کر دی گئی ہے۔ اسی وجہ سے لاہور کے مختلف مقامات پر پٹرول پمپس مالکان اور شہریوں کے درمیان تلخ کلامی بھی ہوئی۔ لاہور میں جن پٹرول پمپس پر پٹرول دستیاب موجود ہے وہاں شہریوں کی بہت لمبی قطاریں دیکھنے میں آ رہی ہیں اور لاہور کے شہری شدید گرمی میں اپنی گاڑیوں اور موٹر سائیکلوں میں پٹرول لینے کے لیے بے بسی سے انتظار کر رہے ہیں۔
